- Vision pa siguiente periodo ta enfoca riba diferente proyectonan infrastructural den nos comunidad local manera: soluciona parkeo en general, un mehoracion di fluho di peaton den Oranjestad y un maneho pa sigui proteha nos beachnan y naturalesa.
- Lo keda enfoca riba un turismo di calidad. A introduci un maneho pa reduci, mitiga y para construccionan di hotel como tambe regulacion pa vacation rentals pa casnan keda pagabel pa nos localnan.
- Masterplan pa desmantela e refineria, remedia e tereno, bin cu un proyecto di marina pa yatenan luhoso como tambe terminal crucero na e tereno di refineria. Un proyecto tambe di casnan pagabel pa nos localnan riba e tereno aki.
- Mantene fondo di AZV sostenibel door di reduci gastonan innecesario y sigui desaroya e systema pa prognostica e crecemento di costo di cuido mihor.
- Basa riba e acuerdo historico entre e dunadornan di cuido “Zorgakkoord”, lo continua riba e proyecto- y programanan pa asina sigui transforma e sector di cuido y salud den uno mas eficiente y sostenibel, fortificando un systema di cuido solido pa nos futuro generación.
- Lo sigui aumenta e pensioen di biehez considerablemente pa nos grandinan, y haci inversión den casnan di cuido y pone mas fondonan disponibel pa atende cu nos grandinan.
- Introducion di programanan pa obesidad, diabetico y cuido preventivo.
- Lo promove conscientisacion y prevencion di malesanan chronico y un bida saludabel pa medio di e Aruba Health App.
- Mehora e accesibilidad y calidad di cuido pa adulto mayor dor di integra specialista di adulto mayor den cuido di prome linea y inverti den un seccion di hospital dedica pa adulto mayor.
- Lo sigui reduci e lista di espera haciendo inversionan pa busca mas dokternan di cas y specialistanan.